Emakume bat epaitu dute 8 hilabeteko alabari belarrondokoa emateagatik

Emakume bat epaituko dute laster Donostian, zortzi hilabeteko bere alabari tratu txarrak ematea leporatuta. Dirudienez, gertaera kalean izan zen, emakumek alabari kolpe bat eman zion aurpegian, Irungo Euskal Herria etorbidean (Gipuzkoa) zihoanean.

Fiskaltzaren behin-behineko akusazioaren idazkiaren arabera, gertakizunak 2012ko azaroaren 15ean izan ziren, 13:15ean. Ustez, amak "belarrondoko indartsua" eman zion alabari, "osotasun fisikoan eragiteko asmoz", horren ostean, haur-kotxea astindu zuen eta buruaren atzealdean "eskua irekita zuela" jotzera itzuli zen.

Azkeneko kolpe horren ondorioz, umeak "haur-kotxearen aurreko barrarekin jo zuen", baina ez zuen lesiori izan, "medikuaren txostenaren arabera".

Ministerio Publikoaren ustez, gertakizun horiek gune familiarrean tratu txarrak izateko delitua dira, eta, ondorioz, laurogei egunez erkidegoaren onurarako lanak egiteko zigorra eskatu dute auzipetuarentzat; urte erdian alabari gerturatzea ekiditea ere eskatu dute.