Amancio Ortega, 2012an ondasuna gehien handitu duen aberatsa

Inditexen martxa onak Amancio Ortega enpresaren sortzailea (munduko hirugarren pertsonarik aberatsena) 2012an etekin gehien izan duen aberatsa izatea eragin du, bere ondasuna 22.200 milioi dolar (16.817 milioi euro) igo zen, 57.500 milioi dolarretaraino (43.560 milioi euro), 2011n baino % 62,9 gehiago, Bloombergek egindako rankingaren arabera.

Ortega (76 urte ditu) Inditexen akziodunen % 52,29ren kontrola du, eta Zara, Pull & Bear, Massimo Dutti edota Bershka enpresen jabea da, kotizatutako beste elkarte batzuetan ere parte hartzen du eta inbertsioak egiten ditu higiezinen sektorean.

Inditexen akzioek % 66,7 egin dute gora 2012an, eta titulu bakoitza 11,8 balio izatera heldu zen, urriaren 100 eurora iritsita lehen aldiz, 2001eko maiatzean burtsan sartu zenetik; hasiera batean 14,7 euroko balioa zuten.

Munduko aberats handienen zerrendan lehenengoa Carlos Slim da, 75.200 milioi dolarreko ondarea du (56.969 milioi euro), aurreko urtea baino % 21,6 gehiago, nahiz eta KPN eta Telekon Austria teleoperagailuetan egindako inbertsioek fruiturik eman ez izan oraingoz.

Bigarren postuan Bill Gates Microsofteko sortzailea dago, beste behin ere, 62.700 milioi dolarreko ondarea du honek (47.500 milioi euro), % 12,6 gehiago.

Zerrenda egin duten pertsonek azaldu dutenez, munduko 100 aberatsenek 1,9 bilioi dolar (1,4 bilioi euro) gehiago zituzten 2012 urtea amaitzean, hau da, 241.000 milioi dolar (182.575 milioi euro) gehiago 2011rekin alderatuz gero. 16 kidek soilik izan zituzten galerak iaz.