Gizartea -
Huescako Pirinioak
Basagoiti Panticosako eski estazioan harrapatuta izan da, 13 orduz
EAEko PPko burua bakartuta geratu diren 1.000tik gora eskiatzaileetako bat izan da. Gaur goizaldean erreskatatu dute.
Erredakzioa
Antonio Basagoiti EAEko PPko presidentea Panticosako (Huescako Pirinioak) eski estazioan bakartuta eta harrapatuta geratu diren 1.000tik gora eskiatzaileetako bat izan da.
Estazioa ebakuatzen hasi ziren atzo, haize handiak zeudela ikusita. Une horretan, 1.000tik gora pertsona zeuden.
04:18an, Basagoitik baieztatu egin du, Twitterren duen profilan (@abasagoiti), dagoeneko erreskatatu dutela: "Atera berri naiz, nire txandan, 4 urteko seme-alabak dituzten gurasoen txandan, besoen artean nire alaba nuela".
Beste hainbat txiotan, legebiltzarkideak "13 ordu bakartuta" egon direla adierazi du, eta estazioko langileek, Guardia Zibilak, Babes Zibilak eta suhiltzaileek emandako tratua "oso ona" izan dela eskertu du.
Sólo una cosa más. Hemos estado 13 horas aislados a 2.000mt, pero en la vida hay cosas bastante más duras y graves que esa. Otros pasan peor
— Antonio Basagoiti (@abasagoiti) enero 3, 2013
Estazioan zeuden eskiatzaileen ebakuazioa 50 pertsonako taldetan egin dute, Santa Cruz teleaulkiaren bidez.
300 eskiatzaile inguru, adituenak, baina, eskiatzen jaitsi dira estaziotik, monitoreek lagunduta.
