Gizartea -
Salburuan
Larri zauritu da Gasteizen, zirkulazio istripu batean
Udaltzaingoak jakinarazi duenez, beste ibilgailuko gidariak emaitza positiboa izan zuen alkoholemia proban.
Erredakzioa
45 urteko gizonezko bat larri zauritu zen larunbatean Gasteizen, Salburua auzoan gertatutako zirkulazio istripuan. Udaltzaingoak jakinarazi duenez, beste ibilgailuko gidariak emaitza positiboa izan zuen alkoholemia proban.
Poliziaren iturrien arabera, istripua larunbatean gertatu zen, 21:30ean, beste ibilgailuko gidariak Viena kaleko eta Erroma etorbidearen arteko seinaleak errespetatu gabe aurrera egin eta gero.
Larri zauritutako gidaria Txagorritxuko Ospitalera eraman zuten, eta istripua eragin omen zuen ibilgailuko gidaria, 32 urteko gizonezkoa, arin zauritu zen.
Hau zure interesekoa bada, baliteke beste gai hauek ere izatea