Euskaldunek astero 1,3 kilo elikagai alferrik galtzen dituzte

Euskaldunek 1,3 kilo elikagai hondakin alferrik galtzen dituzte astero; 76 kilo urtean. Eroskik azaroan egindako ikerketan 413 familia aztertu ziren.

Familia guztiak batuta, aste batean 554 kilo janari zaborretara bota zen (30.000 kilo urtero). Horrela, batez bestez, familia bakoitzak 1,3 kilo elikagai hondakin sortu zituen astero.

Hondakin multzo hau mota guztietako elikagaiez osatzen zen; ogiz, zerealez eta gozotegiko elikagaiez (% 19); fruituez eta barazkiez (% 17); esnekiez, pastaz, arrozez eta lekalez (% 13). Gainontzeko elikagaiak, aurretiaz prestatutako jakiak eta okelak ziren (% 26); hestebeteak, snackak, kontserbarako elikagaiak, arraina, itsaskiak, arrautzak eta edariak.

Eguneko otorduetan erreparatzen badugu, hondakin kopuru handiena bazkarian sortzen da (% 35). Atzetik, afaria (% 27), gosaria (% 20) eta beste momentu batzuk (% 19) daude.