20 pertsona etxetik atera dituzte sute baten ondorioz, Bilbon

Bilboko Zazpikaleetako Kapelagile kaleko 20 bizilagun etxetik atera behar izan dituzte bart etxabean dagoen denda batean piztu den sutearen ondorioz.

Segurtasun Sailak jakitera eman duenez, suteak ez du zauriturik utzi. Sua 23:40 aldera piztuz zen Kapelagile kaleko 10.ean, eta 8.eko bizilagunak ere etxetik atera zituzten badaezpada ere.

Suhiltzaileak bertaratu ziren eta gaeurdirako sua itzalia zegoen eta bizilagunek ordubete ere ez zuten kalean igaro.

Suak kaltetutako denda hoztu arte lanean aritu dira suhiltzaileak, eta oraindik ez dute argitu zerk eragin zuen sutea.