Gizartea -
68 urte zituen
Anna Lizaran aktorea hil da Bartzelonan
Els Comediants eta Teatre Lliureko fundatzaileetakoa zen Lizaran eta 68 urterekin hil da, minbiziak jota.
Erredakzioa
Anna Lizaran aktorea hil da ostiral honetan, Bartzelonan, minbiziak jota. Azken asteetan eszenatokietatik at egon da Teatre Nacional de Catalunyako (TNC) iturriek berretsi dutenez.
Lizaranen azken lana "Agost" izan da. Antzerkiko protagonista zen eta arrakasta itzela izan du lanak; TNC-ko historiako antzezlan ikusiena bilakatu da.
Els Comediants antzerki taldeko eta Teatre Lliureko fundatzaileetako bat izan zen Lizaran eta hamaika sari jaso ditu. Kataluniako antzerkiaren damatzat zuten.