Bikotekide ohiaren atzetik Gasteizera, hari eraso egiten jarraitzeko

Gasteizko Udaltzaingoak 44 urteko gizonezko bat atxilotu zuen asteartean genero indarkeria leporatuta.

Udaltzaingoak ohar bidez jakinarazi duenez, ez da gizonak bikotekide ohiari eraso egiten dion lehen aldia. Antza denez, aurrez tratu txar fisiko zein psikologikoak eta mehatxuak salatu zituen emakumeak beste hiri batean bizi zenean.

Emakumea Arabako hiriburura joana zen erasotzailearengandik urruntzeko, baina horrek atzetik jarraitu, eta berriz eraso egin zion.

Orduan emakumeak Udaleko Gizarte zerbitzura jo zuen, eta horiek Poliziarekin jarri ziren harremanetan gizona etxean zegoela jakitean hura atxilotzera joateko eskatzeko.

Asteartean atxilotu zuten gizona, eta orain epailearen esku utzi dute.