Gizartea -
Vinarosen
Gizon bat atxilotu dute Castellonen bi urteko alaba kolpatzeagatik
Zaurien ondorioz, neskatila ospitaleratu behar izan dute. Ustezko erasoaren ondoren, aitak etxetik ihes egin du.
Erredakzioa
Guardia Zibilak 21 urteko gizonezko bat atxilotu du ostiral honetan Vinarosen (Castellonen), bi urteko alabari eraso egitea leporatuta. Zaurien ondorioz, neskatila ospitaleratu behar izan dute.
Guardia Zibileko iturriek jakitera eman duenez, ustezko erasoaren ondoren, aitak etxetik ihes egin du. Poliziak eta Guardia Zibilak aita aurkitzeko operatiboa abiatu du, eta ordu batzuk geroago, gizonezkoa berez azaldu da Polizia-etxean.
Gizonezkoa Guardia Zibileko egoitzan dago atxilotuta. Ordu batzuetan epailearen aurrera eramango dute. Bitartean, neskatilak ospitaleratuta jarraitzen du.
Hau zure interesekoa bada, baliteke beste gai hauek ere izatea