Gizartea -
20 urteko gizonezkoa
Adingabe bati sexu-erasoa egiteagatik atxilotu dute, Gasteizen
Atxilotuak kartzela-zigorra bete du beste sexu-eraso bategatik, eta, biktimaren arabera, hirutan egin zion eraso.
Erredakzioa
Gasteizeko Ertzain-etxeko agenteek 20 urteko gaztea atxilotu dute ostiralean, adingabe bati sexu-erasoa egotzita. Atxilotuak aurrekariak ditu sexu-erasoekin lotutako delituengatik.
Ertzaintzak jasotrako salaketaren arabera, biktimak hiru sexu-eraso jasan zituela esan du, erasotzaile berak egindakoak.
Adingabeak azaldu duenez, erasotzaileak harreman sexualak edukitzera behartu zuen, bere borondatearen kontra.
Hiru erasoetatik bi etxe ezberdinetako atarietan gertatu ziren eta hirugarrena, aldiz, erasotzailearen etxebizitzan.
Atxilotuak kartzela-zigorra bete du iaz Gasteizen egindako sexu-erasoagatik. Ertzainek goardiako epaitegiaren esku utzi dute.