Gizartea -
BESTE AUTO BATZUK KALTETU DIRA
Bi auto kiskali dira Santurtziko garaje batean izandako sutean
04:45 aldera piztu da sutea. Ez da inor zauritu, eta ez dute inguruko etxebizitzarik hustu behar izan.
Erredakzioa
Sute batek bi auto kiskali ditu eta beste batzuek kalteak izan dituzte sugarren ondorioz, Santurtzin (Bizkaia). Segurtasun Sailak azaldu duenez, sutea 04:45 aldera piztu da, garaje batean.
Sugarrek ez dute inor zauritu, eta inguruan, Mendizabal Kapitainaren kalean, ez dute etxebizitzarik hustu behar izan. Autoez gain, eraikin bereko trasteleku batzuk ere kaltetu dira.