Gizartea -
Sutea Getxon
Sute batek kalte ugari eragin ditu Getxoko akuarioan
Sua 05:45 inguruan piztu da eta eraikineko teilatura zabaldu da. 06:30etarako egoera kontrolpean izatea lortu dute suhiltzaileek.
Erredakzioa
Sute bat izan da gaur goizaldean Getxoko akuarioan eta kalte material ugari eragin ditu, Bizkaiko udalerri horretako Udaltzaingoak jakitera eman duenez.
Jaurlaritzaren Seguratasun Sailak zehaztu du sua 05:45 inguruan piztu dela eta eraikineko teilaturaino zabaldu dela.
Ertzaintza, Udaltzaingoa eta suhiltzaileak bertaratu dira ezbeharraren tokira. 06:30etatik sua kontrolpean dute.