Patronal batek 'zahar bigunen' larrugorriak nazkatu egiten duela dio

Kanarietako Aisiaren eta Jatetxeen Federazioak hondartzetan biluzik egon ahal izatea kritikatu du, horrek "zahar bigunek" bertatik paseatzea ahalbidetzen duelako, eta horrek "pena eta nazka" sentiarazten duelako.

Antonio Velez patronal horretako idazkariak hori esan du, San Bartolome de Tirajana Udaleko erabakiaren aurrean (hondartza batzuetan biluzik bainatzea debekatzen zuen agindua baliogabetu du).

Velezek idatzian azaldu duenez, hondartzan biluzik pasatzea "ezmorala da" eta "geure emoziorik baxuenak esnatzen ditu", baina, halere, bereizketa bat egin du: gauza bat gazte eder bat larrugorritan ikustea da, eta, bestea, gainerako pertsonena.

"Mutil edo neska gazte bat,  aurpegi politekoa eta ondo proportzionatutakoa, mugimendu mantsoekin eta artistikoekin, jarrera probokatzailerik gabe, inoiz ez da ezmorala izango", nabarmendu du sindikatuko buruak.

Idazkiaren ustez, "horrelako gazte batek nahi duen denbora guztia egon dezake hondartzan, zenbat eta denbora gehiago, publikoan pizten dituen sentimenduak gero eta sentikorragoak izango dira".

Hala ere, "emakumezko edo gizonezko zahar bat baldin bada bere gorputza erakusten duena, haragi bigunekin eta tamaina handiko masekin", "zakarra eta nazkagarria" izango da.