Emakume bat larri, bere burua erreta sukurtsal batean Castellon

Emakume batek likido suharbera bota du eta su hartu du astelehen honetan, Almassorako sukurtsal batean, Castellonen. Horren ostean, Valentziako Fe Ospitalera eraman dute larri.

Generalitateko Larrialdietako Zerbitzuek jakitera eman dutenez, 47 urteko emakumeak gorputzaren % 48 erre du. Dirudienez, honako hau zioen lurrera bota denean: "Guztia kendu didazue". Senideek azaldu dutenez, emakumea bananduta zegoen, hiru seme-alaba zituen, eta zailtasun ekonomikoak, etxegabetze prozesu batean murgilduta.

Fe Ospitaleko erretakoen unitatera eraman dute helikoptero batean, sukurtsalean Samurreko langile batzuek egonkortu ostean.

Suhiltzaileek esan dutenez, sukurtsalera iritsi eta minutu gutxira kontrolatu dute sua. Bankuak kalteak izan ditu keagatik.

Poliziak eta Guardia Zibilak lokala hustu dute, gertaera izan eta minutu gutxira. Su hartu duen emakumezkoa bakarrik zauritu da.