Gizartea -
Asteartean
Gazte bat atxilotu dute, 12 urteko bati sexu abusuak egitea egotzita
Gasteizko Udaleko Haurren eta Familien Zerbitzuak eman zion Poliziari abusuen berri, antza denez, gaztea adingabeari ukituak egiten harrapatu zutela esanda.
Erredakzioa
Gasteizko Udaltzaingoak 22 urteko gaztea atxilotu zuen asteartean, 12 urteko haur bati abusu sexualak egite egotzita. Atxilotuak aurrekariak ditu, antzeko delituengatik.
Haurren eta Familien Udal Zerbitzuak eman zion Poliziari abusuen berri, antza denez, gaztea adingabeari ukituak egiten harrapatu zutela esanda, Poliziak berak komunikatu baten bidez aditzera emandakoaren arabera.
Behin datu guztiak bilduta, agenteak ikerketa bat abian jarri zuten, susmagarria aurkitu, identifikatu eta atxilotu zuten arte,
Atxilotuak aurrekariak ditu antzeko delituengatik Araban bertan, eta aginte judizialaren eskun utzi dute.