Pepe Sancho, eskarmentu handiko 'ikaslea'

Jose Sancho Manises udalerrian jaio zen, Valentzian, 1944ko azaroaren 11an. 50 urtez, 100 lanetik gora egin zituen telebistan, zineman eta antzerkian.

"Carne trémula" (1997) filmeagatik bigarren aktore onenaren Goya saria eman zioten. Hala ere, osperik handiena telebistari esker lortu zuen, bereziki, "Curro Jimenez" telebista-saioan egindako 'ikasle'aren paperagatik.

Hasierako lanak

Zineman egindako hasierako lana Victor Tourjanskyk zuzendutako "Si te hubieses casado conmigo" (1948) filmean izan zen, Sanchok lau urte zituela. Ondoren, 18 urterekin, Madrilera joan zen eta aktore izateko ikasketak egin zituen.

1963an Alejandro Casonaren "Los árboles mueren de pie" antzezlana egin zuen estreinekoz. Sei urte beranduago antzerki konpainia bat sortu zuen. Halaber, arrakasta handiko hainbat obra antzeztu zituen, tartean, "La Chunga" (Vargas Llosak zuzenduta, 1988an), Madrilen, eta "Memorias de Adriano" (1998).

Zinema alorrean

Oholtza gainean egindako azken agerraldia 2012an izan zen, Madrilgo Kanalen Antzokiak ekimeneko agertokian. Bertan Jacinto Benaventeren "Los intereses creados" antzeztu eta zuzendu zuen. 2013ko urtarrilerako Marguerite Durasen "La amante inglesa" antzezlanean parte hartzekoa zen, baina aktorearen gaixotasunak okerrera egin zuen.

Zinema alorrean, film kopuru handian parte hartu zuen: Carlos Saurak zuzendutako "El Dorado" (1988), "Ay, Carmela" (1990), Vicente Arandak zuzendutako "Libertarias" (1996); Luis Garcia Berlangak zuzendutako "Todos a la cárcel" (1993) eta "París-Tombuctú" (1999), besteak beste. Almodovarrekin ere lan egin zuen: "Carne trémula" eta "Hable con ella" (2002) filmeetan, hain zuzen ere.