Gizartea -
Mungian
Gizon bat atxilotu dute aizkora batekin hainbat lagun mehatxatzeagatik
22 urteko gizonezko bat atxilotu dute Mungian aizkora batekin taberna baten atarian bezero talde bat mehatxatzea leporatuta. Epailearen aurrera eraman dute, mehatxu eta kalte delitua egotzita.
Erredakzioa
Mungiako Udaltzaingoak 22 urteko gizonezko bat atxilotu du larunbat goizaldean, aizkora batekin taberna baten atarian lagun batzuk mehatxatzea leporatuta.
Udaltzaingoak jakinarazi duenez, 06:00etan herritar batek abisua eman ostean, bi patruila bertaratu dira. Lekukoen arabera, atxilotua aparkalekuan azaldu da aizkora batekin, eta kalteak eragin ditu etxebizitza baten hoditerietan. Ondoren, taberna batetik atera berri diren hainbat bezeroen aurka egin du.
Lekukoen testigantzak entzun ostean, aizkora aurkitu dute. Erasoaren ustezko egilea aurkitzeko lanak abiatu dituzte eta azkenik, atxilotu egin dute. Gizonezkoa epailaren aurrera eraman dute, mehatxurekin eta kalterekin lotutako delitua leporatuta.