Lan-erregulazioko txosten ustelen azken fasean, 7 lagun espetxeratuta

Mercedes Alaya epaileak beste lau laguntzentzat espetxe zigorra agindu du gaur, Andaluziako lan-erregulazioko txosten ustelen azken fasean, nahiz eta horietako bi aske gera daitekeen 50.000 euroko fidantza ordainduta. Era honetan, Espainia osoan inputatuta duden 22 lagunetatik, 7 jada espetxean daude.

24 orduz bulegoan egon ostean, 15:30ean espetxe zigorra agindu du Alaya epaileak lau lagunen aurka: Eduardo Pascual eta Maria Vaque Vitalia enpresako zuzendariak; Ismael Sierra Juan Lanzas (ostiralean sartu zuten espetxean) lan-erregulazioko txostenenen bitartekariaren koinatua; eta Eduardo Leal del Real, ustez enpresa pantaila gisa erabiltzen ziren bi enpresen administratzailea.

Azken bi hauek hala ere 50.000 euroko fidantza ordainduta aske gera daitezke.

Azken atxilotuei, funtzionario-eroskeria, dokumentuak faltsutzea, prebarikazioa, dirua zuritzea, zerga delitua eta bidegabe ondasunak hartzea egozten diete.

Atxilotutako hauei aste honetan jada espetxean sartu dituztenak batu behar zaizkie: Francisco Javier Guerrero Andaluziako Lan zuzendari orokor ohia, Antonio Albarracin Vitaliako zuzendari ohia eta Juan Lanzas bitartekaria.

Guztira, 60 lagun daude inputatuta lan-erregulazioko txosten ustelen auziko azken fase honetan, horien artean Andaluziako Juntako zazpi goi-kargudun.

Lan-erregulazioko txostenekin bitartekari lanak egiten zituztenek jasotzen zituzten gainsoldatak benetan zeinek hartzen zituen argitu nahi du ikerketak, kasu batzuetan, merkatuko batez bestekoa baino % 15 gehiago.