Gizartea -
Bartzelonan
Ama batek 8 eta 11 urteko seme-alabak bainuontzian itota hil ditu
Emakumeak senarrari abisua eman zion seme-alabak hil eta gero, eta bere buruaz beste egingo zuela adierazi zion.
Erredakzioa
Esquadra Mossoek emakume bat atxilotu dute Bartzelonan seme-alabak hiltzeagatik. 8 eta 11 urteko haurrak ustez itota hil ditu, bainuontzian, eta ondoren, adingabekoen aitari abisua eman dio.
Ikerketako iturrien arabera, atxilotutakoa 35 urteko Boliviako emakumea da, Rina M. Carmel auzoan gertatu da hilketa, Horta barrutian.
Hildakoak 8 urteko mutiko bat eta 11 urteko neskato bat dira eta bainuontzian aurkitu zituen igande gauean bizilagun batek.
Iturri horien arabera, emakumeak gizona salatu zuen tratu txarrengatik. Bost urte zeramatzaten auzoan bizitzen, Pastrana plazan.
Bizilagun batek eman zuen abisua, igandean, 20:30ean. Bikotekideen arteko liskarra ikusi zuen, eta orduan gizonezkoak Poliziari deitzeko eskatu zion, emazteak seme-alabak hil zituelakoan.
Une horretan, emakumea "erotuta" zegoela esan du bizilagun batek eta gizonezkoak emazteak bere buruaz beste egin nahi zuela esaten zuen.
Gizonezkoak hilketan parte hartu ote zuen ikertzen ari da Polizia oraindik, baina, lehen ikerketen arabera, ez du lotura zuzenik.