Atxilotuta gidabaimen barik gidatzea eta ihes egitea egotzita

Gizon bat atxilotu dute Irunen gidabaimen barik gidatzeagatik eta Ertzaintzari ihes egiteagatik. Ihesaldian hiru auto kolpatu eta hainbat pertsona ia harrapatu zituen, Eusko Jaurlaritzako Segurtasun Sailak jakinarazi duenez.

Atzo, 20:30ean, Ertzaintzako agente batzuek atzeko kolpe-leungailua zintzilik eta erortzeko puntuan zeraman Seat Leon bat atzeman zuten Irungo Vega de Eguskiza kalean.

Ertzainek autoa geldiarazteko agindu ziotenean, gidariak jakinarazi zien kotxe hura ez zela berea, lagun batena baizik. Horrekin batera, gidabaimena kendu ziotela aitortu zuen.

Agenteek egiaztapenak egiten zituzten bitartean, susmagarriak autoa martxan jarri eta ihes egin zuen. Ihesaldian, bi kotxe kolpatu zituen, eta Elizatxo etorbidean bidea ixten jarri zen auto poliziala jo zuen.

Ihesi zihoala, gainera, bi emakume eta kale erdian bidea ixten autoa jarri zuten ertzainak ia harrapatu zituen iheslariak.

Polizia iturrien arabera, 31 urteko gizonezkoak agenteei kontra egin zien, atxilotu ez zezaten. Gaur bertan eramango dute epailearen aurrera.