Gizartea -
Gertakaria
Bi ertzain eta udaltzain bat zauritu dira sute batean, Portugaleten
Sua Correos kaleko eraikin bateko bigarren solairuan piztu da. Zaurituak kea arnasteagatik artatu dituzte eta onik daude.
Erredakzioa
Bi ertzain eta udaltzain bat zauritu dira Portugaleteko (Bizkaia) etxebizitza batean piztu den sutearen ondorioz, Segurtasun Sailak jakitera eman duenez.
Aipatu iturrien arabera, zaurituak onik daude, izan ere, kea arnasteagatik artatu dituzte Gurutzetako ospitalean, eta intoxikazioa ez zen larria.
Sutea 02:50 aldera piztu da Correos kalean dagoen eraikin bateko bigarren solairuan, sukaldean.
03:07etarako itzalia zegoen sua eta, etxebizitzan bizi zirenak izan ezik, beste bizilagun guztiek etxera itzuli ahal izan dute.
Hau zure interesekoa bada, baliteke beste gai hauek ere izatea