Gizartea -
San Inazio auzoan
Bost lagun zauritu dira Bilboko etxebizitza batean izandako sutean
Horietatik hiruk erredurak dituzte. Sutearen ondorioz, Inmaculada taldeko 5. zenbakiko eraikina osoa hustu behar izan dute.
Erredakzioa
Guztira, bost lagun zauritu dira Bilboko San Inazio auzoko etxebizitza batean izandako sutean, Segurtasun Sailak jakitera eman duenez. Horietatik hiruk erredurak dituzte.
Sutea 11:15ak igarota piztu da, San Inazioko Sorkunde Auzuneko 5. zenbakian. Sugarrak etxebizitza bakar batean zeuden arren, eraikin osoa hustu behar izan dute. Sutea itzali ostean, auzokide guztiak etxera itzuli dira.
Erakinatik hustu dituzten auzokideren artean bi adingabe daude, eta horietatik batek erredurak ditu. Halaber, medikuek udaltzaingo bat artatu behar izan dute, kea arnastu duelako.
Hau zure interesekoa bada, baliteke beste gai hauek ere izatea
