Gizartea -
Epaia
Ortega Canori bi urte eta erdiko kartzela zigorra ezarri diote
2011ko maiatzean izandako trafiko istripua dela eta, epaileak bi urte eta erdiko zigorra ezarri dio, zuhurtziagabekeriaz egindako homizidioa leporatuta.
Erredakzioa
Jose Ortega Cano toreroari bi urte eta erdiko kartzela zigorra ezarri diote 2011ko maiatzaren 28an eragin zuen auto istripu larria dela eta. Ezbeharra Sevillako errepide batean jazo zen, bertan, Ortega Canok aurrez aurre jo zuen autoko gidaria hil zen.
Sevillako 6. Zigor Epaitegiak toreroaren abokatuek alkoholemia frogan odol litroko 1,26 gramo alkohol eman zuela zioen froga baztertu du.
Epaileak zuhurtziagabekeriaz egindako homizidioa eta modu arriskutsuan gidatu izana leporatu dio. Halaber, Carlos Parra istripuan hildako gizonaren alargunari 120.000 euroko kalte ordaina eman beharko dio eta 19.000 eurona biktimaren seme-alabei.
Enrique Trebolle Ortega Canoren abokatuak iragarri duenez, epaiaren kontrako helegitea jarriko du Sevillako Auzitegian.
