Gizartea -
Istripua
AP-1eko tunelak itxita, Bergaran, istripu baten ondorioz
Merkantzia arriskutsua zeraman kamioi batek artaziarena egin du, eta zamaren zati bat galdu du. Gidaria ospitalera eraman behar izan dute.
Erredakzioa
Bergaran, AP-1 autobideko tunelak itxi behar izan dituzte, zama arriskutsua zeraman kamioi batek istripua izan ostean. Kamioilaria Mendaroko ospitalera eraman dute, Segurtasun Sailak jakitera eman duenez.
Ezbeharra 12:00ak aldera izan da: kamioiak artaziarena egin, eta oraindik zehaztu ez duten sustantziaz betetako bidoiak galdu ditu.
Istripuaren ondorioz, AP-1eko bi tunelak itxi egin behar izan dituzte, bi noranzkoetan. Horrenbestez, auto-ilarak sortu dira. 14:00etarako, baina, bide bana ireki dute, norazko bakoitzean.
Hau zure interesekoa bada, baliteke beste gai hauek ere izatea