Gizon bat atxilotu dute Bilbon, emakume bati ukitzeak egiteagatik

32 urteko gizonezko bat atxilotu dute larunbat honetan, Bilbon, emakume bati ukitzeak egiteagatik eta adingabeei genitalak erakusteagatik, Eusko Jaurlaritzako Segurtasun Sailak jakinarazi duenez.

Antza denez, 17:00ak inguruan eman zien abisua emakumeak San Mames inguruan zeuden ertzainei. Salatu zuenez, gizon batek sexu kutsuko ukitzeak egin zizkion, eta adingabeei haren genitalak erakusten ari zen.

Biktimaren arabera, norbaitek atzetik ukitu egiten ziola antzeman zuen, eta buelta emandakoan, gizonezkoak genitalak begi-bistan zituela konturatu zen.

Ertzainak gertaeren tokira bertaratu ziren, eta gizonezkoaren jarrera egiaztatu ostean, identifikatu egin zuten. Halaber, Madrilgo epaitegi batek atxilotze agindua emana zuen gizonaren kontra, eta atxilotu egin zuten.