Gizon bat hil da, auto batek harrapatuta, eta gidariak ihes egin du

Gizonezko bat hilik aurkitu dute gaur goizaldean Irunen (Gipuzkoa), N-121-A errepidean, Anton Txipiko biribilgunean, Ertzaintzatik baieztatu dutenez.

Lehen ikerketen arabera, litekeena da gizona ibilgailu batek harrapatuta hil izana, eta ondoren gidariak ihes egin izana. Biktima ez dute identifikatu oraingoz.

01:45ean, herritar batek SOS Deiak larrialdi zerbitzura deitu du, Antton Txipiko biribilgunean gizon bat hilik egon zitekeela ohartarazteko. Handik gutxira, anbulantzia bat bertaratu da, eta gorpua atzeman dute.

Ertzaintzak balizko lekukoen laguntza eskatu du, gertatutakoa argitzeko. Zeregin horretarako, telefono zenbaki bat zabaldu du: 943 53 91 25.