Gipuzkoar batek 'Internazionala' abestu du biluzik Guggenheim museoan

38 urteko gizonezko gipuzkoar bat gerritik behera biluztu zen atzo Bilboko Guggenheim museoan, eta "Internazionala" abestu zuen.

Antza denez, 14:00ak inguruan jazo zen gertaera, Richard Serra artista estatubatuarraren eskulturak erakusgai dauden Fish aretoan, Eusko Jaurlaritzako Segurtasun Sailak jakinarazi duenez.

Beasaingo bizilagunak galtzak eta galtzontziloak jaitsi zituen, eta abesteari ekin zion, eta harekin zeuden bizpahiru lagunek guztia grabatu zuten.

Ertzaintzak horren berri jasotakoan, patruila bat bertaratu zen, arropa janztera behartu zuen, eta, identifikatu ostean, museotik irteteko gonbita egin zion.

Espedientea ireki diote, desordena publikoa egotzita, eta isuna ordaindu beharko du.