Gizartea -
Zergaitia argitzeke
A-15 autobidea ireki dute Andoain aldean, kamioi batek su hartu ostean
Donostiako noranzkoan eten dute zirkulazioa. Suhiltzaileak bertara gerturatu dira garrak itzaltzeko. Ez da zauriturik egon.
Erredakzioa
A-15 autobidearen zirkulazioa eten behar izan dute Andoain parean (Gipuzkoa), Donostiarako noranzkoan, kamioi batek su hartu ostean baina dagoeneko errepidea zabalik dago. Suteak ez du inolako zauriturik eragin, Segurtasun Sailak zabaldu duenez.
Aipatutako iturriaren arabera, gertaera 16:25ean jazo da autobide horretan, eta argitzeke dauden arrazoiak tarteko, kamioiak su hartu du.
Suhiltzaileak bertara joan dira sugarrak itzaltzeko, baina ez da zauriturik egon.
Hau zure interesekoa bada, baliteke beste gai hauek ere izatea
