Gizartea -
Gertakaria
Jatetxe batek su hartu du Donostian, baina ez du zauriturik utzi
Udalaren arabera, sua itzali bezain laster bizilagunak etxebizitzetara bueltatu ahal izango dira, kalterik izan ez dutelako.
Erredakzioa
Donostiako erdialdeko jatetxe batek su hartu du Artzain Ona katedralaren alboan. Suteak hiru etxebizitza hustera behartu du, baina ez da zauriturik izan, Donostiako Udalak jakitera eman duenez.
Caravanserai jatetxearen sotoan, sukaldean, sua piztu da 17:00ak aldera. Artzain Onaren Plazako eraikinari ez dio kalterik egin.
Suhiltzaileak bertaratu dira eta sua kontrolatu dute, baina kea dela-eta San Bartolome kaleko 1 zenbakia eta Artzain Onaren 14 eta 17 atariak hustu behar izan dituzte.
Udalaren arabera, sua itzali bezain laster bizilagunak etxebizitzetara bueltatu ahal izango dira, kalterik izan ez dutelako.
