Gizartea -
Nafarroan
Lagun bat hil eta bost zauritu dira Azagran bi autok talka egin ostean
Istripua NA-134 (Tutera- Mendabia- Logroño) errepidean jazo da, 41. kilometroan, oraindik argitu gabeko arrazoiengatik.
Erredakzioa
Lagun bat hil eta beste bost zauritu dira Azagran (Nafarroa) bi ibilgailuk talka egin ostean, Nafarroako Gobernuak aditzera eman duenez.
Litekeena da zaurituren batek zauri larriak izatea, baina iturri berdinek ez dute horren gainean zehaztasunik eskaini. Zaurituak hainbat ospitaleetara eraman dituzte.
Lodosako eta Lizarrako suhiltzaileak bertaratu dira eta hainbat zauritu ibilgailuetatik ateratzen aritu dira, bertan harrapatuta geratu direlako.
Istripua NA-134 errepidean (Tutera- Mendabia- Logroño) jazo da, 41. kilometroan, oraindik argitu gabeko arrazoiengatik.
Hau zure interesekoa bada, baliteke beste gai hauek ere izatea
