Gizartea -
Unibertsitatea
EHUko errektorea ospitaleratu dute, bularreko anginak jota
Goirizelaia ospitalean dagoela eta, unibertsitatearen 2013ko aurrekontuak zehazteko asteazken honetan egin behar zuten gobernu kontseilua atzeratu egingo dute.
Erredakzioa
Iñaki Goirizelaia Euskal Herriko Unibertsitateko errektorea ospitaleratu egin dute, bularreko anginak jota, unibertsitatetik adierazi dutenaren arabera.
Goirizelaia ospitalean dagoela eta, unibertsitatearen 2013ko aurrekontuak zehazteko asteazken honetan egin behar zuten gobernu kontseilua atzeratu egingo dute.
Horrela, EHUko gobernu kontseiluak "eguneroko kudeaketa" eztabaidatuko du errektorea itzuli arte.
Goirizelaia, gainera, ezin izango da astelehen honetan Jose Maria Guibert Deustuko Unibertsitateko errektoreak kargua hartzeko ekitaldira joan.