Gizartea -
Aste Nagusia 2013
Aste Nagusiko kontzertuak Europa Parkean egiteari eutsi dio Bilbok
Bilboko Udalaren iritziz, gune egokiena da, edukiera eta segurtasuna kontuan hartuta.
Erredakzioa
Bilboko Udalak Aste Nagusiko kontzertuak Europa Parkean egiteari eutsi dio, tokiak eskaintzen duen edukiera eta segurtasuna kontuan hartuta.
Itziar Urtasun Bilboko Udaleko jaietako zinegotziak eta Andoni Aldekoa alkatearen taldeko zuzendari ordezkariak prentsaurrekoan esan dutenez, beste proposamenak ikertu ostean (Bilbao Arena, Etxebarria Parkea eta Miraflores), Europa Parkea da "aukera onena".
Beste edozein irizpideren aurretik, Udalak segurtasuna lehenesten duela esan du Aldekoak eta era horretan, 8.500 lagunetik beherako guneak "bete" egiten direla eta "arrisku guneak" direla esan du.
