Gizartea -
Udako ordutegia
Bilboko metroa ostiraletako gau osoko zerbitzua ematen hasiko da gaur
Metro Bilbao ostiral honetan hasiko da udako ostiraletako gau osoko zerbitzua ematen, goizaldeko 2:00etatik goizeko 6:00etara, hain zuzen.
Erredakzioa
Bilboko metroa gaur hasiko da udako ostiraletako gau osoko zerbitzua ematen, goizaldeko 2:00etatik goizeko 6:00etara, hain zuzen. Horrenbestez, datozen lau hilabeteetan, asteburu osoan etengabe ibiliko da metroa, 48 orduz. Zerbitzu horri esker, ostiral gauetik igande goizera arteko garraio-eskaria bermatu nahi da, "mugikortasun beharrizan hori haziz joan baita azken urteetan, bereziki udako hilabeteetan".