Tximista batek harrapatu zuen ume tolosarrak hobera egin du

Tximista batek Tolosako 12 urteko ume bat jo zuen atzo Anso ibarrean, Petrechema gailurrean (Huesca), Linzako mendi-lepoan. Adingabea Zaragozako Miguel Servet ospitalean dago, zainketa intentsiboetako unitate pediatrikoan, egonkor, eta onera egiten ari da, osasun-zentrotik jakinarazi dutenez.

Tximista horrek talde bereko beste sei neska-mutil ere jo zituen, eta Hechoko osasun-zentroan artatu behar izan zituzten, zorabioak zituztelako eta txistuak entzuten zituztelako.

Miguel Servet ospitalera eraman duten adingabea "egonkor eta kontziente dago, larri oraindik, eta erredura elektrikoak ditu", burutik sartu eta oinetatik irten zitzaion tximista baten ondorioz.