Gizonezko bat atxilotu dute Gasteizen bikotekideari eraso egiteagatik

Ertzaintzak 31 urteko gizonezko bat atxilotu du Gasteizen, bikotekideari eraso egitea egotzita. Asteazken honetan, 13:30ak aldera, emakumeen aurkako indarkeria balizko kasu baten abisua jaso du Ertzaintza, hortaz, patruila bat etxebizitza hartara bertaratu da.

Biktimak kolpeak zituen sorbaldan eta besoetan, eta erasotzailea bikotekidea izan zela salatu du emakumezkoak. Ondorioz, emakumea Txagorritxu Ospitalera eraman dute eta, handik gutxira, ustezko erasotzailea atxilotu dute kalean.