Kantabrian galdutako lau espeleologoak erreskatatu dituzte

Larunbatetik Asoneko Mendixkan (Kantabria) galduta zeuden Madrileko lau espeleologoak onik erreskatatu dituzte, arratsaldeko azken orduan, Gobernutik azaldu dutenez.

Erreskatea 20:00etan izan da. Lehenengo ia zuloaren barruan zeuden bi espeleologoak atera dituzte, eta, ondoren, beste biak. Azken horiek nekatuago zeuden, eta mantsoago zihoazen.

Espeleologoak hiru gizonezko eta emakumezko bat dira  (32 eta 49 urte artean dituzte), eta ospitalera eramango dituzte, azterketa bat egiteko, hasiera batean "ongi" dauden arren.