Marrazo batek kosk egin dio arrantzale bati, Landen parean

Marrazo batek kosk egin dio 50 urteko arrantzale bati Bizkaiko Golkoan, Landen parean, eta helikopteroz ebakuatu behar izan dute, Itsas Salbamenduko iturriek jakitera eman dutenez.

Ezbeharra atzo gertatu zen, eta Itsas Salbamenduak 20:20ean jaso zuen SOS Deiak Bizkaia zerbitzuaren deia. Marrazo batek Ondarroako Gure Leire izeneko itsasontzian, El Cantil delako eremuan, arraina biltzen ari zen arrantzale bati kosk egin ziola ohartarazi zuten.

Hori horrela, Itsas Salbamenduak helikopteroa bidali zuen zauritua ebakuatzeko; izan ere, "urratu itsusiak zituen, nahiz eta azkenean ez izan larriak".

Zauritutako arrantzalea Bidasoa ospitalera eraman zuten eta dagoeneko jaso du senda-agiria.