Gizartea -
Erasoa
Gizon bat atxilotu dute Bilbon, beste bati labankada bat emateagatik
Zauritutakoa ospitale batera eraman behar izan dute. Agenteek ez dute erasoan erabilitako arma topatu, baina atxilotutakoak hiru labana zeramatzan.
Erredakzioa
Ertzaintzak 37 urteko gizonezko bat atxilotu zuen atzo Bilbon, beste bati bizkarrean labankada bat ematea egotzita.
Eusko Jaurlaritzaren Segurtasun Sailak jakinarazi duenez, ertzainek gizonezko bat ikusi zuten atzo, 19:00etan, San Anton zubiko inguruetan, eta bizkarrean arma zuriz egindako zauri bat zuen, odoletan.
Zauritutakoa ospitalera eraman zuten, eta, ondoren, ustezko erasotzailea atzeman zuten, 37 urteko gizon bat.
Agenteek ez zuten erasoan erabilitako arma topatu, baina atxilotutakoak hiru labana zeramatzan.
Hau zure interesekoa bada, baliteke beste gai hauek ere izatea