23 urteko neska bat hil da Irunen izandako auto istripu batean

Goizeko 8:00ak jotzear zeudela gertatu da ezbeharra, N-121-A errepidean. Oraindik argitu gabe dauden arrazoiengatik, auto batek eta kamioi batek talka egin dute eta autoaren gidaria barruan harrapatuta gelditu da.

Suhiltzaileek atera behar izan dute barrutik eta osasun baliabideek artatu dute tokian bertan, baina ezin izan dute ezer egin ordurako hilda zegoelako.Goizeko 9:30ean errepidea oraindik moztuta zegoen bi noranzkoetan eta Ertzaintza GI-3455 errepidetik desbideratu du zirkulazioa, gorpua handik eraman eta ibilgailuak errepidetik kendu arte.