Gizartea -
Ezbeharra
Hilda topatu dute atzo Ataunen desagertutako 62 urteko gizonezkoa
Antza, goizean atera zen perretxikotara, baina arratsaldean itzultzen ez zela ikusita, familiak abisua eman zion Ertzaintzari.
Erredakzioa
Atzotik desagertuta zegoen 62 urteko gizonezko lazkaotarra hilda topatu dute, gaur goizean, Lareo inguruan, Ataunen. Bilaketa lanetan parte hartzen ari ziren Gurutze Gorriko kideek topatu dute gorpua.
Ertzaintzak atzo arratsaldean, 18:00 inguruan, jaso zuen desagertutako gizonezkoaren familiaren abisua. Antza, goizean atera zen perretxikotara, Lareo ingurura, eta arratsaldean itzultzen ez zela ikusita, desagerpenaren berri eman zuten. Eusko Jaurlaritzako Larrialdietarako Zuzendaritzak bilaketa operatiboa jarri zuen martxan;
Ertzaintzaren mendiko erreskate taldeak, DYAk, Gurutze Gorriak eta hainbat boluntariok hartu dute parte bilaketa lanetan.