Gizartea -
Erreskatea Gorbean
Bi mendizale erreskatatu dituzte Gorbeian
Mendizale batek min hartu du hanka batean, eta Txagorritxuko ospitalera eraman dute. Bestalde, Arroriano mendi inguruan galdu den mendizalea onik aurkitu dute.
Erredakzioa
Erreskate zerbitzuek bi mendizale erreskatatu dituzte Gorbeia mendikatean larunbat honetan, Eusko Jaurlaritzako Segurtasun Sailak jakinarazi duenez.
13:30ak inguruan abisua jaso du Ertzaintzak emakume baten min hartu duela esanez. Antza denez, erori eta hanka batean min hartu du eta ez atzera ez aurrera gelditu da. 15:00ak inguruan erreskatatu dute emakumea eta Gasteizko Txagorritxu ospitalera eraman dute.
Bestalde, onik aurkitu dute arratsaldean Gorbeian galdu den gizonezkoa. Mendiko erreskate zerbitzuak, Gurutze Gorriko boluntarioak eta Arabako Diputazioko langileak Gorbea mendilerroko Arroriano mendian galdu den pertsona baten bila ari dira arratsalde osoan.
Antza denez, 1.300 metrora zegoela, elur-bisutsa sartu da eta galdu egin da. Berak deitu du larrialdi zerbitzuetara eta eskuko telefonoa erabilita koordenada zehatza helarazi du. Segurtasun Sailak azaldu duenez, zaila izan da gizona aurkitzea tenperatura baxua, elurra eta iluntasuna tarteko. Dena dela, azkenean gizona onik aurkitu dute.