Gizon bat atxilotu dute Sestaon sexu-eraso bat egiteagatik

Ertzaintzak 28 urteko gizonezko bat atxilotu zuen astelehenean, Sestaon. Emakume bat etxeko atarira arte lagundu eta sexu-erasoa egiten saiatu zen, Ertzaintzak jakitera eman duenez.

Gertakariak igandean, 04:00ak aldera, jaso ziren biktima etxera zihoanean, lagun talde batekin egon ostean.

Bidean ezaguna zuen gizon batekin tupust egin zuen emakumeak. Erasotzailea etxeraino laguntzeko prest azaldu zen. Atarira heldu zirenean gizonezkoa atera arte sartzen saiatu zen. Horrela, biak igogailuan biktimaren etxebizitzara arte heldu ziren.

Gizonezkoak etxera sartzeko baimena eskatu zion, baina emakumeak eragotzi egin zion. Erasotzaileak emakumea arrastaka eskailburura eraman eta lurrera bota zuen. Ihes egin baino lehen gizonak biktima mehatxatu zuen, emakumeak gertatutakoa ez salatzeko.

Mehatxuari entzungor egin eta erasoa salatu zuen Ertzaintzaren aurrean. Ertzainek erasotzailea identifikatu eta atxilotu zuten astelehenean.