Gizartea -
Gertaera
Gizonezko bat hil da Oñatin traktore batekin izandako istripu batean
Traktore batek kamioi baten kontra talka egin du eta amildegi batetik behera erori eta gidaria, 56 urteko gizon bat, bertan hil da.
Erredakzioa
Traktore bateko gidaria hil da gaur 15:55 aldera, Oñatin (Gipuzkoa). Segurtasun Sailak jakitera eman duenez, traktoreak kamioi baten aurka talka egin du, eta lubeta batera erori da.
Ezbeharra Olabarrieta auzoan gertatu da. Hildakoa 56 urteko gizon bat da.
Traktorea eta kamioia bide berean topo egin dute. Traktorea ertzera hurbiltzen saiatu da, paretik kentzeko eta kamioiari pasatzen uzteko, baina lubetara erori eta gidaria airean atera da. Ibilgailuak berak gidaria jo du eta berehala hil da.
Hau zure interesekoa bada, baliteke beste gai hauek ere izatea