37 urteko emakumezko bat hil da Arguedasen, etxean izandako istripuan

37 urteko emakumezko bat hil da igande honetan Arguedasen etxeko istripu batean, Nafarroako Gobernu iturriek jakinarazi dutenez.

Hildako emakumea egurra deskargatzen ari zen haren etxabean, Arguedas herriko erdigunean.

Antza denez, emakumea "manitou" izeneko makina bat erabiltzen zen, eta makinarekin kolpe bat hartu du. Hala ere, ezbeharraren nondik norakoak ikertzen ari dira.

Lehen unetik, konorterik gabe gelditu da emakumea eta larrialdi zerbitzuetako langileak 45 minutuz hura erreanimatzen ahalegindu badira ere, tokian bertan hil da. Datozen orduetan autopsia egingo diote, heriotzaren zergatiak argitzeko.