Bi eskalatzaile erreskatatu dituzte Uzturre mendian

Bi eskalatzaile onik erreskatatu dituzte gaur goizaldean Uzturre mendian, Ibarran (Gipuzkoa), Eusko Jaurlaritzaren Segurtasun Sailak jakinarazi duenez.

Atzo, 20:45ean, pertsona bat Tolosako Ertzain-etxera joan zen, eta bi lagun Uzturre mendiko horma batean ez aurrera ez atzera geratu zirela esan zuen.

Ertzaintzaren mendiko taldea hara bertaratu da, eta gauerdi aldean topatu egin ditu. Handik eta ordu erdira, erreskatatu egin dituzte, eta dagoeneko etxean daude.