Rouco Varelak krisiaren aurrean familiak duen garrantzia nabarmendu du

Antonio Maria Rouco Varela kardinal eta Madrilgo artzapezpikuak eta Espainiako Apezpikuen Batzarreko buruak igande honetan Madrilen egin den Familien mezan adierazi duenez, familiak beste behin duen balio gaindiezin eta ordezkaezina erakutsi du krisi ekonomikoari, iragankortasunaren giroari eta tristuraren kulturari aurre egiteko.

Gaurko mezuan Frantzisko aita santuari hainbat aipamen egin dizkio, eta familiek hainbat oztopori aurre egin behar diela adierazi du. Horren esanetan, ezohiko oztopo ekonomiko, sozial eta kulturalak gainditzeaz gain, iragankortasuna nagusi den giroari aurre egin behar dio familiak.

Rouco Varelaren iritziz, gaixo kronikoek edota terminalek, langabetuek eta lana aurkitzeko itxaropenik ez dutenek, eta alkoholismo, droga eta sexu menpekotasunean erori direnek familian aurkituko dute kontsolamendua eta laguntza.

Fedea beti izan da garrantzitsua, ezkontza hautsiezina oinarri duen familiaren balore naturala ulertzeko; baina gaur egun are garrantzitsuagoa da "giro intelektual eta mediatikoa sekularizazioaz kutsatuta dagoelako".