Gizartea -
Dantzaleku batean
Hiru frantziar arma zuriz zauritu dituzte Urdazubin
Urdazubiko dantzaleku bateko aparkalekuan izan da gertaera. Guardia Zibilak ustezko erasotzailea atxilotu du.
Erredakzioa
Frantziako hiru bizilagun arma zuriz zauritu dituzte goizeko lehen orduan Urdazubiko (Nafarroa) dantzaleku bateko aparkalekuan izan den gertaeran. Ustezko erasotzailea, eskuan zauriekin, Guardia Zibilak atxilotu du.
Zauritutako hiru lagunek hanketan zituzten zauriak eta Baionako erietxera eraman dituzte. Adierazi dutenez, zaurituetako batek “zauri ikusgarria zuen”.
Ustezko erasotzailea ere frantziarra da eta Guardia Zibilak atxilotu du. Arma zuriz egindako zauriak zituen eskuan eta Guardia Zibilak Iruñean duen komandantziara eraman dute.
Guardia Zibilaren polizia judizialeko kideek ikerketa ireki dute gertaera argitzeko.