Edukiontziak erre dituzte Lasarten eta ondorioz bost auto kiskali dira

Ezezagun batzuek hainbat edukiontzi erre dituzte bart Lasarten, Jaurlaritzako Segurtasun Sailak jakitera eman duenez.

Sua inguruan aparkatuta zeuden ibilgailuetara zabaldu da, eta, horrenbestez, bost auto erabat erre dira.

Erasoa Lasarteko Loidi kalean gertatu da, eta suhiltzaileek ordubete inguru behar izan dute sua itzaltzeko.

Ertzaintzak azaldu duenez, sua nahita eragindakoa izan da, eta eraso horren atzean nor dagoen ikertzen ari da.