Bere buruari su ematen saiatu da, baina Ertzaintzak galarazi egin du

Gizonezko batek bere buruari su eman dio Barakaldoko epaitegien aurrean, baina Ertzaintzak sua berehala itzali du eta, horrenbestez, gizonezkoak ez du erredura larririk, Ertzaintzak EiTBri jakitera emandakoaren arabera.

Gertaera 13:00etan izan da, Barakaldoko epaitegiak hartzen dituen eraikinaren aurrean. Gizonezkoak bere buruari su eman dio, oraindik ez dakite zergatik, baina Ertzaintza berehala iritsi da, eta sua amatatzea lortu du.

Hala ere, gizonezkoa Gurutzetako Ospitalera eraman dute. Ezkerreko hankan zauri arin batengatik artatu dute Larrialdi Zerbitzuetan.