Gizartea -
Gertakaria
Hainbat edukiontzi erre dituzte Leioan
Ondorioz, horien ondoan aparkatuta zeuden bost auto ere kaltetu dira. Donostian bi edukiontzi kiskali dituzte, baina ez dute bestelako kalterik eragin.
Erredakzioa
Gaur goizaldean bost edukiontzi erre dituzte Leioan (Bizkaia), eta horien ondoan aparkatuta zeuden ibilgailu batzuek ere kalteak jasan dituzte, Segurtasun Sailak jakitera eman duenez.
Horren arabera, sua 02:45 aldera piztu da, Ikea kalean. Edukiontzietako sua zabaldu egin da, eta, ondorioz, Citroën Berlingo furgoneta bat erabat kiskali da, eta Nissan Note, Toyota Avensis, Nissan Primera eta Chevrolet Aveo bat ere kaltetu dira.
Ordu batzuk geroago, baina Donostian, beste bi edukiontzi erre dituzte, baina ez dute bestelako kalterik eragin.